Og til að geta fengið mér eitthvað gott í bíó í kvöld þá mældi ég kókið sem ég gat fengið mér með kvöldmatnum sem er borðaður extra snemma í dag því ég nennti ekki að fá mér ávöxt og bíða eftir matnum :D

Hér kemur semsagt dagurinn í dag... Ég má kaupa mér nammi fyrir 315 hitaeiningar í kvöld :) þetta fer að verða eins og í gamla daga þegar að maður fékk helling af nammi fyrir 300 kall...

matur	hitaeiningar
1 hrökkbr	37
smjör	60
ostur	69
1 banani	180
1 rúgbr	82
hrogn	230
smjör	30
brokkoli	10
1 appelsína	90
1 kex	25
100 gr lamba file	112
1 kartafla	45
bernaissmjör	110
1 dl kók	60
3 gulrætur	45
samtals	1185

Chao Habba nammigrís

Þegar að maður er með ljótuna eins og ég var með í dag þá langar manni ekki að vera í megrun :) En ég er sem betur fer fljót að jafna mig og byrjaði daginn í dag á því að segja við sjálfa mig að ég væri falleg og dugleg og það gæti enginn gert þetta fyrir mig nema ég. Sumir dagar eða vikur eru bara stressaðari og þreyttari en aðrar...
Ég er samt búin að standa mig mjög vel í matnum í dag. Fékk mér ekkert svindl kók eða nammi þó það hafi verið efst í huga mér allan daginn hihih... Hádegismatur hjá Maður lifandi skemmir svo ekki fyrir. Kjúklingur með salati og hrísgrjónum voru á boðstolnum þar í dag og ég slefaði allveg yfir disknum. Hef bara aldrei fengið vondann mat hjá þeim og er ég mjög gagnrýnin á svona fjöldaframleiddann mat.

en hér kemur listinn fyrir daginn, ég er búin að setja inn kvöldmatinn því hann er kominn í ofninn og verður etinn innan hálf tíma :)

28.okt
matur	hitaeiningar
2 hafrakex	60
4 sn ostur	140
kjúklingur	104
hrísgrjón	130
salat	16
tómatur	17
1 plóma	50
1/2 appels	50
2 stk kex	31
50 gr kús kús	170
hrogn	200
fiskur	150
ostur	50
döðlur	30
pestó	89
brokkolí	25
samtals	1312

Chao Habba :) sem er hamingjusöm þrátt fyrir að vera búin að vera í megrun í 9 vikur hihih...

Ég er í matarfíkla helvíti þessa daganna hihih... Held að það sé tengt blæðingum og stressi og spenningi og bara vegna þess að ég var að klára 9 vikna námskeið í leikfiminni og þarf ekki að byrja aftur fyrr en á næsta mánudag

Ég er samt allveg í þokkalega góðum málum eftir daginn í dag. Jón Karl toppaði svo vitleysuna í mér og fór og keypti KFC í kvöldmatinn... Ég fékk mér kjúklinga borgara, maisstöngul og smjör... sleppti frönskum :) svo ég er að læra.

Hér kemur talning dagsins

matur	hitaeiningar
banani	130
ananas	90
appelsína	45
3 hafrakex	90
ostur	150
smjör	100
kók	147
tortilla	74
lax	38
spínat	16
salat	0
fetaostur	25
kfc borgari	375
mais	70
bbq sósa	40
smjör	110
samtals	1500

Chao Habba matarfíkill

Ég hef alltaf lifað eftir því mottói að ég ætlaði að borða það sem mig langaði í og sjá aldrei eftir því.
En þegar að maður fer að telja ofan í sig kaloríurnar þá fer fljótt að hverfa úr mataræðinu sá matur sem að telur flestar kaloríurnar. Ef ég ætla að halda mig undir 1500 hitaeiningum á hverjum degi þá hef ég bara ekki efni á því að fá mér ostakökusneið sem að kostar mig 600 hitaeinginar, eða franska súkkulaði köku sem að kostar mig líka 400-600 hitaeiningar.
Ég borðaði tvo daga í röð á Vox í síðustu viku í hádeginu og þá reyndi ég markvisst að velja mér eftir hitaeiningafjölda. Ég veit það núna að það borgar sig að fylla diskinn af salati og grænmeti, sleppa brauði, fá sér ekki uppbakaðar súpur og svo mætti lengi telja. Ég fékk mér lítinn skammt af bæði kjöti og fiski og smá kartöflur... þær eru líka komnar á sparilistann. Eftirréttirnir þar voru mesta áskorunin... þeir buðu upp á 7 mismunandi sæta eftirrétti og svo melónur og ananas. Mér finnst melónur ekkert sérstaklega góðar en ég reyndi samt að fylla diskinn af þeim og fékk mér síðan eina matskeið af sykurminnsta eftirréttinum.

Ég finn það allveg núna að mig langar ekki í sykur, eða kaloríubombur. Ef mig vantar nammi þá skelli ég í mig einni lúku af súkkulaði rúsínum og þá er ég orðin góð aftur.

Síðasta vikan í fyrsta 9 vikna námskeiðinu byrjar á morgun. Ég ætla að reyna að ná af mér einu kílói í viðbót og þá hef ég lést um rúm 7 kg á 9 vikum. Ég er búin að skrá mig á næsta námskeið svo ég held ótrauð áfram að reyna að ná af aukaþyngdinni

Chao Habba sælkeri

Ég hef ekki náð að skrifa síðustu tvo daga því það var bara of flókið verka að reikna út tvær máltíðir á hlaðborði Vox og eina ferð út að borða á Brodway og á endanum pinnamatur og smáréttir frá Iðusölum. Ég ákvað líka að vera ekkert að stressa mig á þessum hlutum borðaði bara eins og hina daganna en var ekki að telja þetta neitt sérstaklega.

Dagurinn í dag verður með hefðbundnari sniði þó eru helgarnar alltaf hættulegri og þá leyfi ég mér að fá mér brauð eða smá kakó. Fórum í næstum þriggja tíma gönguferð um miðbæinn áðan og enduðum auðvitað á kaffihúsi þar fékk ég mér heitt kakó og kleinu. Sleppti rjómanum og minnkaði þannig hitaeiningarnar um svona 200 hihihi...

En svona lítur dagurinn út so far.

1 trópí
2 br sn bananabrauð (heimabakað spellt)
4 sneiðar 9% ostur
1 tsk smjör

Hádegi
Kakóbolli
1 kleina

1/4 hluti vatnsmelóna.


Skrifa restina inn þegar að líður á daginn

chao Habba

Það var sannkallaður tussu fokk dagur í dag!!. Stundum vildi ég óska þess að karlar færu á túr annann hvorn mánuð... ég nenni því ekki núna því ég er rétt að komast á fullu ferðina eftir flensuna. Og til að toppa túrverki og hausverk þá er ég komin með æxli á efri vörina sem að vill láta kalla sig frunsu.  En ég er í ótrúlega góðu skapi og er bara eitthvað svo létt inni í mér þessa daganna :D:D það bjargar geðheilsunni.

Matardagbókin er örlítið lituð af tíma mánaðarins en ég reyndi að öllum mætti að láta súkkulaðið vera sem hoppaði upp í körfuna mína í Hagkaup, en áður en ég vissi af þá var ég búin að gúffa því í mig. Það er svo hárfín lína á milli þess að borða það sem maður þarf og að borða of mikið.

trópí	125
2 hafrakex	60
4 sn ostur	140
1 rúgbr	82
kæfa	82
1 banani	180
1 bollasúpa	5
3 hafrakex	90
sardínur	50
2 sn ostur	70
pasta	200
hakksósa	121
2 brauðsn	150
1 cadburys caramel	225
mjólk	100
samtals	1680

Ég er ekki búin að vera nógu dugleg í ávöxtunum síðustu daga. En ég fór í Hagkaup í dag og fjárfesti í nokkrum plómum og mangó. Tveir heilir fundardagar framundan í vinnunni og þá meina ég frá 9 -17 báða daganna. Og ég neyðist(not) til að fara út að borða á Vox í hádeginu á morgun og á Broadway annað kvöld og síðan í coctailboð eftir vinnu á föstudaginn... O my good það verður erfitt að telja þessa daga og svindla ekki í skráningunni...

Chao Habba með auka Höbbu á efri vörinni

Það er svo gott að vakna og finna að maður hefur fulla orku til að takast á við daginn. Verkefnin í vinnunni fljúga áfram og ég kem ekki lengur grenjandi heim eftir erfiða daga... Sem sagt mun auðveldara að búa með mér hihih...  Mataræðið var mjög gott fram eftir degi en eins og svo oft þá var gripið til skyndilausna með kvöldmatinn því að ég nennti ekki að elda. Kjúkingur tilbúinn úr búð og franskar urðu mér að falli í dag. Ég slefaði samt rétt yfir 1500 hitaeiningarnar og ég verð bara að gera betur á morgun.
Viktunin var súper og tíminn í leikfimi í dag tók svakalega á.

Ég er orðin 6.2 kg léttari en fyrir 7 vikum og missti 500 gr á milli daga :D:D:D

Hér kemur talning dagsins:

20.okt
matur	hitaeiningar
cheerios	147
2 1/2 dl fjörmjólk	100
kjúklinga burito/serano	300
1 trópí smoothie	180
1 kjúllabringa	198
85 gr hrásalat	272
100 gr franskar	295
50 gr maiskorn	30
samtals	1522

Ég er allveg ógeðslega ánægð með mig í dag. Heilsan er komin aftur, það leið ekki yfir mig í leikfiminni og ég var búin að léttast um 400 gr þó ég hafi ekki stigið inn í leikfimissalinn í heilar tvær vikur. Samtals er ég þá búin að léttast um 5.7 kg á sjö vikum og þar af eru næstum þrjár óvirkar í ræktinni vegna tveggja pesta...

Matarprógramið var fínt í dag.

matur	hitaeiningar
1 trópí	125
1banani	180
1 flatkaka	86
1 rúgbr	82
kæfa	82
logl	58
rauðbeður	60
10 vínber	38
2 kex	120
1 banani	180
1 mjólk	100
100 gr nautalund	112
1 kartafla	45
salat	16
6 litlir tómatar	36
sósa	100
samtals	1420

Þannig að áfram gakk, nú verður mætt aftur á morgun í leikfimi og þá vona ég að helgarsukkið verði runnið af mér líka og önnur 400-600 gr bætist við hihih...

Chao Habba, í 400 gr léttara skapi en í gær

Dagurinn í dag var allveg hreint yndislegur :) Við ákváðum í gær að hittast heima hjá mér í dag 17.október og fá okkur smá snarl í tilefni afmælis pabba okkar sem hefði orðið 65 ára í dag.Við höfum vanalega kaffi á þessum degi og mér finnst það góður siður. Þetta er eini dagurinn á árinu þar sem að ég leyfi mér skæla smá yfir því að hann fór alltof ungur. Ég sakna hans enn á hverjum degi og hugsa oft um það hvernig hefði verið að eiga hann að eftir að maður fullorðnaðist. Minningar mínar um hann hafa dofnað enda var ég bara 9 ára þegar að hann fór en sumt man ég enn og sterkast er hláturinn hans og lyktin af honum. Skrítið hvað heilinn leyfir manni að halda í  hihih...

Matarprógramið fór nokkuð út um þúfur hihih... en ég er innan við 1000 hitaeiningar samt því allt sem ég gerði í dag var gert með þeim hætti að ég gæti borðað mikið án þess að það kostaði mikið á eftir að telja það saman og sjá hver endanlega útkoman verður.

Chao Habba, ánægð og þakklát fyrir fjölskylduna mína

Dagurinn í dag var nokkuð góður, Ég er að komast í gírinn aftur eftir flensuna og þá batnar mataræðið með hverjum deginum sem líður.

Dagurinn í dag lítur svona út

Morgunmatur:
1 glas trópí 112 einingar
1/2 granóla stykki 100 einingar

Hádegi:
Kínamatur blandaður, (núðlusúpa,kjúklingaréttur,fiskur) 200 einingar
1 dl hrísgrjón 130 einingar

Síðdegi:
1/2 granóla stykki 100 einingar

Kvöldmatur
speltpizza með sætum kartöflum,furuhnetum og hráskinku 300 einingar

þetta er fer bara rétt  í kringum 1000 eininingar í dag 

Eitt sem ég hef tekið eftir í þessari viku að ég er búin að borða kínamat í hádeginu þrjá daga í röð hihihi... allt var þetta matur frá sitthvorum staðnum í bænum. En í dag fékk ég mat frá Asíu á laugarvegi og ég fékk svakalegann svima eftir að hafa borðað hann... Ásdís vinnufélagi benti mér á að maturinn frá þeim væri sennilega með MSG og það gæti verið orsökin... Ætla að rannsaka þetta, ég veit allaveganna að ég má ekki borða venjulega sojasósu þá fæ ég svima... en þoli vel glútenlausa sojasósu, kannski var bara soja í núðlusúpunni og á fisknum og kjúllanum þó ég hafi ekki fundið það á bragðinu

Chao Habba sem heldur áfram í kaloríu stríðinu